martes. 11.08.2020 |
El tiempo
martes. 11.08.2020
El tiempo

Un calendario traizoeiro para decidir os descensos

Os xogadores do Lugo celebran a vitoria ante o Numancia. XESÚS Ponche
Os xogadores do Lugo celebran a vitoria ante o Numancia. XESÚS Ponche
Seis equipos pelexan pola permanencia nunha recta final de campionato que decidirá que dous conxuntos acompañan ao Rácing e ao Estremadura na súa caída á Segunda División B

A falta de tres xornadas para o fin da competición, seis equipos seguen coa auga ao pescozo no seu intento por permanecer un ano máis na División de prata.

O Lugo (45 puntos), que ata fai varías xornadas vía a permanencia como unha quimera case irrealizable, colle aire e depende de se mesmo para poder sumar a súa novena tempada no fútbol profesional. No horizonte branquivermello aparece, este domingo (19.30 horas) un Xirona que continúa a súa loita polo play off de ascenso e que ten unha dos mellores persoais da categoría.

Ademais, terá unha viaxe ás illas para enfrontarse ao Tenerife, que nunca foi prato de bo gusto para o club lucense, e un Mirandés na última xornada que pode estar xa de vacacións, aínda que co recordo daquel fatídico partido no Ángel Carro na tempada 2013-2014 que lles mandou ao descenso. Finalmente non baixou tras o descenso administrativo do Murcia.

Outro dos equipos en liza para a permanencia é Numancia (44), que encadea unha serie negativa e que se medirá a próxima xornada á Ponferradina nun duelo crucial para ambos. Os seus últimos dous enfrontamentos serán ante un Huesca que loita por un posto directo que lle permita retornar a Primeira e fronte a un Tenerife cuxa situación na última xornada será unha incógnita.

O Albacete (46) tamén vive un momento amargo nesta recta final. Por diante terá ao Elxe, que pelexa polo play off, un Real Zaragoza en horas baixas a pesar do seu gran persoal e un Cádiz na última xornada que estará coa resaca da celebración do ascenso.

Aínda que Lugo, Numancia e Albacete están na corda frouxa, tampouco se pode despistar o Real Oviedo (47), que viaxa a Zaragoza, recibe a un Rácing xa descendido e visita ao Elxe, que pode ser un rival complicado ou un paseo para os do Cuco Ziganda.

Con máis marxe que os seus predecesores pero tamén cun ollo posto no descenso sitúanse Deportivo (48) e a Ponferradina (48), dous equipos que a pesar de ter os mesmos puntos levan dinámicas moi dispares.

Os pupilos de Fernándo Vázquez poderían asegurar nesta xornada a súa permanencia ante un Estremadura que certificou onte o seu descenso a Segunda B. Se non conseguen a vitoria aínda quedaría a opción de sumar ante o Mirandés e o Fuenlabrada, que poden seguir vivos na loita polo play off ou estar a pensar xa na próxima campaña na categoría de prata.

A Ponferradina complicouse a vida na súa derrota ante o Lugo. O cadro berciano apostará parte do seu futuro ante o Numancia e, en caso de non gañar, terá que xogarse as habichuelas ante Almería e Zaragoza, que seguen empolicados á zona alta da táboa e estarán ata a última xornada loitando polo ascenso directo ou por unha boa posición no play off. Ademais súmase a mala serie que levan os bercianos, con catro derrotas consecutivas e nove goles en contra.

Un calendario traizoeiro para decidir os descensos
comentarios