O lucense Miguel González Carballada levou onte o terceiro posto no Campionato de España de cros por equipos que se celebrou na localidade castellonenca de Mariña d'Or. A extraordinaria carreira de González Carballada liderou ao seu equipo, o Lucus Caixa Rural Galega, a conseguir un vixésimo terceiro posto na clasificación por equipos.
A actuación de Miguel González Carballada é aínda máis meritoria tendo en conta que competía contra corredores un ano maiores que el. Como o eran, de feito, os dous atletas do CA Sabadell que acompañaron no podio ao pupilo de Mariano Castiñeira.
