Christian Expósito e Carla Trillo foron os vencedores da clasificación absoluta dentro da categoría masculina e feminina, respectivamente, do Tour Mariña 2022, circuíto promovido polo diario O Progreso e Championchip despois da disputa o pasado sábado da última carreira, a Run Foz Run Nadal, nunha cita que reuniu a un total de 366 participantes de todas as categorías.
Na competición absoluta masculina, Christian Expósito xa selara o seu triunfo coa vitoria na anterior cita, mentres que Carla Trillo fíxose coa coroa tras acabar a carreira focense.
Na categoría masculina, o resto de vencedores absolutos foron os seguintes: Germán López (sénior M-2), Alejandro Villalba (máster A M-1), Marcos Conde (máster A M-2), Marcelo Lanza (máster B M-1), Manuel Pérez (máster A M-3), Daniel Díaz (sénior M-3), José Ramón Rey (máster C M-1), Pablo Fernández (sénior M-4), Iván Rubal (máster B M-2), Yago Freije (sénior M-5), Jacobo Rodríguez (máster A M-4) e Ubaldo Balseiro (máster B M-3).
As vencedoras absolutas nas distintas categorías femininas foron Carla Trillo (máster A F-1), Helena Celada (sénior F-1), Romina Reimondo (máster A F-2), Ana Vallines (sénior F-2), Marta Fernández (sénior F-3), Rocío Díaz (máster B F-1), Patricia Galdón (máster B F-2), Vanesa Vizoso (máster A F-3), Concepción Fernández (máster B F-3) e Inma Lestegás (máster B F-4).
Run Foz Run
Nesta última cita, en Foz, o triunfo final recaeu, de novo, en Christian Expósito cun tempo de 16.30 minutos, seguido a 13 segundos de Alberto Arias. Jarno Pousada foi terceiro ao parar o crono en 16.48 minutos.
Zelinda Spencer impúxose na categoría feminina cun tempo de 19.33. Helena Celada foi segunda (19.45) e Sara Reimondo terceira (20.09).
Christian Expósito levou tamén o cordón en máster A masculina, por diante de Marcos Conde e Álex Villaba. En máster A feminina, Zelinda Spencer cruzou en primeiro lugar a meta, con Carla Trillo e Romina Reimondo en segundo e terceiro lugar, respectivamente.
Dentro da categoría máster B masculino, Alberto Arias foi primeiro, Marcelo Lanza, segundo e Bartolomeu Varela, terceiro. En máster B feminina, Rocío Díaz fíxose coa vitoria por diante de Patricia Galdón e Concepción Fernández. En máster C masculino a vitoria foi a parar a José Ramón Rey. Jesús Arca foi segundo e Luís Fernández, terceiro. En máster C feminina, a vencedora en Foz foi Isabel Montero.
