O Leche Rio Breogán dá negativo na PCR, pero segue de baixa

Os xogadores do Leche Río Breogán seguen confinados no seu domicilio e sen adestrar. Todo iso a pesar de que o resultado das PCR realizadas polo club lucense foron negativas. Segundo o protocolo de actuación da Federación Española de Baloncesto, aprobado polo Consello Superior de Deportes o pasado 30 de setembro, os xogadores do equipo lucense, salvo o xogador que deu positivo nas probas realizadas a pasada semana, xa poderían adestrar onte con absoluta normalidade. Con todo, en Galicia, por encima do protocolo da FEB prevalece o criterio da Consellería de Sanidade e este establece- ademais de facer novas probas aos xogadores dos que aínda non se coñecen os resultados- que os contactos estreitos cun positivo deben gardar unha corentena de dez días.

Polo tanto, de manterse este criterio, o encontro que o vindeiro sábado debía disputar o equipo lucense na Coruña non podería disputarse. O director xeral do Breogán, Tito Díaz, sinalou o kunes que o club está a seguir escrupulosamente "o que nos di a Consellería de Sanidade. Estamos obrigados a seguir os seus criterios sanitarios e estes sinalan que os contactos estreitos cun positivo teñen que gardar un confinamento de dez días".

Con respecto á contradición existente entre o protocolo da FEB e do organismo galego, o dirixente breoganista explicou que "segundo a norma federativa xa podiamos estar a adestrar pero fixemos a consulta á Federación e dixéronnos que era a normativa galega a que decidía neste caso. Entón puxémonos en contacto coa Consellería para que nos confirme a nosa situación canto antes".

Se se mantén o criterio do organismo da Xunta, os xogadores do Leche Río Breogán acabarían o seu confinamento o vindeiro sábado, o que faría imposible poder xogar ese mesmo día. De todos os xeitos, no club lucense existe unha preocupación engadida, "e é que nos contesten que podemos volver o mércores ou o xoves. Neste caso, estariamos co equipo sen adestrar durante unha semana e cun partido en 48 horas. Isto implicaría sobre todo un grave risco de lesión e polo tanto solicitariamos que se aprazase". comentou Díaz quen engadiu que "levamos parados cinco días, non é unha baixa dun só xogador, senón que todo o equipo está inactivo desde o pasado xoves e isto paraliza toda a preparación e o ritmo porque tampouco xogamos o pasado fin de semana. é unha situación complicada á que non queda máis remedio que adaptarse".

Na LEB Oro levan disputadas dúas xornadas e aprazáronse dous encontros, ambos do grupo A e co Tizona de Burgos, con dous positivos no seu persoal, como protagonista. O equipo lucense vai ter que facer un esforzo complementario para facerse co ritmo de competición. Tras a primeira xornada, na que venceron en Oviedo, víronse obrigados a deixar de adestrar, polo que parece durante dez días, e estar dúas semanas sen disputar ningún partido. O problema acrecéntase se se ten en conta que logo de volver á competición o próximo sete de novembro - recibindo no

azo dous Deportes de Lugo ao Clínicas Sur Valladolid, actual lider invicto do Grupo A- os de Diego Epifanio non volverían xogar ata o 20 de novembro xa que lles corresponde descansar na quinta xornada de competición séguelles un máis que probable parón - parece moi complicado que a Consellería varíe o seu criterio- de quince días. O 7 de novembro recibirían no Pazo ao actual líder da competición, o Clínicas Sur Valladolid para ter que descansar na xornada seguinte.