O Cafés Candeas Breogán, pechacancelas da liga Endesa con nove vitorias en trinta partidos, lanzou unha campaña para intentar que o "inferno celeste" encha o Pazo dos Deportes no partido do próximo xoves co Iberostar Tenerife, encontro que o club afronta como "unha final".
Unha auténtica final no Pazo!
— Cafés Candelas Breogán (@CBBreogan) 6 de maio de 2019
Faite cunha entrada de cortesía para un amigo e convídao ao #InfernoCeleste ! https://t.co/QVhh0z7NHW pic.twitter.com/ZwZlSaFDJn
Os abonados que se identifiquen cos seus datos no despacho de billetes da páxina web do club a opción de comprar unha entrada para un acompañante ao prezo reducido de cinco euros.
Ademais, tamén na web, poderán converter en senior os carnés que non o sexan, caso dos abonos infantís, excepto os que non teñen asento asignado, os de estudante e os universitarios e, dese xeito, liberalos para que poidan ser utilizados por calquera outra persoa.
No caso dos abonos infantís, é unha medida que se tomou para que os carnés que, debido á hora do partido (21.30), non vaian ser usados polos menores poidan ser empregados por outros afeccionados do Breogán.
