O Cafés Candeas Breogán cerrou este domingo a pretempada deixando un gran sabor de boca coa súa vitoria no Pazo ante o Fuenlabrada por 88-81.
Ante un rival en teoría superior e coas baixas de Ricardo Uriz, Salva Arco, Sergi Vidal, Tarence Kinsey, Emir Sulejmanovic e Henk Norel, aínda sen substituto, os de Natxo Lezkano atoparon en Johan Löfberg e Lucio Redivo dúas auténticas metralletas.
O sueco liderou aos lucenses ata o descanso con 15 puntos. Acabaría con 17. O arxentino, MVP do torneo Lugo é Basket, sacou o seu fusil tras o descanso e terminou con 23 puntos e ovacionado pola afección celeste.
Tamén callou un gran partido Alec Brown no seu regreso tras superar unha escordadura de nocello. Achegou 10 puntos e 8 rebotes.
Polos visitantes, que chegaban coas baixas de Marc García, Eyenga e o recentemente fichado Lucas Nogueira, destacou Francisco Cruz con 17 puntos. O exbreoganista Álex Llorca sumou 5.
Montakit Fuenlabrada (15+22+17+27): Popovic (7), Tomás Bellas (13), Llorca (5), Clark (12), Zanna (9) -cinco inicial-, Round (-), O’Leary (6), Rupnik (9), Cruz (17), José María González (3).
Árbitros: Pérez Pérez, Cortés e Rial. Excluíron por faltas a Zanna, del Montakit Fuenlabrada.
Incidencias: Partido amistoso correspondente ao V Torneo 'Lugo é basket' disputado no Pazo dos Deportes de Lugo ante uns mil espectadores. A alcaldesa de Lugo, Lara Méndez, entregou o trofeo ao capitán do Breogán, Salva Arco.
