O Río Breogán, líder da liga ACB

A contundente vitoria do Río Breogán o pasado sábado ante o Lenovo Tenerife permite ao equipo de Paco Olmos ser o primeiro líder da Liga Endesa 2021-2022, unha vez completada este domingo a xornada inaugural. Ningún dos equipos que gañaron o domingo superaron a diferenza que acumularon os lucenses sobre os canarios no seu regreso á máxima categoría do baloncesto español.

TRIUNFOS DE BARCELONA E MADRID. O Barcelona, vixente campión, e o Real Madrid, subcampión, gañaron os seus partidos da primeira xornada. Sen alardes ningún dos dous. O equipo de Pablo Laso superou ao San Pablo Burgos, próximo rival do Río Breogán, por un apertado 70-61. O de Sarunas Jasikevicius venceu no Palau ao Ucam Murcia por 85-78.