O Río Breogán<> informou este martes de que o beirado Anthony Polite e o pivote internacional grego Dimitrios Agravanis non estarán a disposición do técnico, Veljko Mrsic, nas próximas semanas tras haberse confirmado as súas respectivas lesións.
Polite sofre unha rotura de graos 1-2 no aductor esquerdo e xa está a ser tratado polos fisioterapeutas do club, que informará da súa evolución nos próximos días e establecerá "un prazo aproximado" para o seu regreso ás pistas.
-
![]()
Pola súa banda, Agravanis, que tamén se lesionou no partido do pasado domingo contra o Baxi Manresa, someteuse nas últimas horas a probas médicas complementarias para coñecer o alcance da súa lesión.
A boa noticia é que o lituano Matras Jogela xa se reincorporou aos adestramentos co grupo tras superar o cadro vírico que lle impediu xogar contra o conxunto catalán.
Así mesmo, a dirección deportiva do Breogán segue traballando para incorporar unha base que supla a baixa definitiva do esloveno Zan Mark Sisko.
