O CB Breogán pronunciouse este martes sobre a proposta de renovación realizada a Jerome Jordan, para a que o xogador jamaicano, cuxo contrato acaba o 31 de decembro, aínda non deu resposta.
"Os responsables da parcela deportiva avanzan en diferentes opcións para un posible alternativa", explicaba o Breogán nun tuit, tendo en conta que o club contaba con ter resolta a situación a pasado fin de semana.
Ante a cercanía do fin do contrato que vincula ao xogador Jerome Jordan co Club, os responsables da parcela deportiva avanzan nas diferentes opcións para unha posible alternativa nesa posición no caso de que o xogador non opte pola renovación.
— Cafés Candelas Breogán (@CBBreogan) 25 de decembro de 2018
El Progreso xa informou este martes que o club podería ter atada un substituto para o pivote xamaicano. Segundo Paco Basanta, o elixido tería pasaporte comunitario. A saída de Jordan, que conta con importantes ofertas, tamén abriría a posibilidade de que Sergi Vidal, cuxo contrato acaba o 31, continuase no equipo.
A entidade breoganista parece que trata de aplacar a intranquilidade que podería xerar na afección a marcha dun dos puntais do equipo, que chegou para substituír ao lesionado Henk Norel e que está promediando case 11 puntos e máis de 5 rebotes.