Finalizou a primeira fase da tempada na LEB Ouro, que o Leite Río Breogán terminou como líder no Grupo A, e en breve (o día 20 deste mes) arrincará a segunda, na que os equipos participantes xogaranse boa parte do seu futuro no actual curso.
O primeiro que hai que dicir é que non todo está decidido. As dificultades para afrontar a competición por parte dos equipos foi patente. De feito, o Força Lleida aínda non sabe se se clasificará ou non no grupo dos mellores, posto que lle restan por xogar tres partidos. Neles, que xogará nunha semana, buscará tres triunfos, sen fallo, que lle accedan ao grupo dos elixidos na segunda fase. Terao complicado, posto que un dos seus rivais será o HLA Alacante, equipo que liderou o Grupo B durante boa parte da competición -de feito, xogou a final de Cópaa Princesa ante o Breogán no Pazo- e que buscará un triunfo ante os ilerdenses que lles permitirá mellorar a súa praza na clasificación.
De face ao Leite Río Breogán hai que ter en conta que nesta segunda fase vanse a contabilizar os resultados ante os rivais aos que xa se enfrontou na primeira. No seu caso, o equipo de Diego Epifanio parte na clasificación con sete vitorias e unha soa derrota, unha vantaxe importante. Os lucenses só enfrontaranse contra os cinco equipos clasificados no Grupo B: Tau Castelló, Granada, Palma, Alacante e Almansa ou Lleida.
Serán os sete mellores equipos clasificados entre os elixidos os que accederán aos play off polo ascenso -series a só tres partidos e unha única praza para xogar o curso que vén na Liga ACB-. O oitavo equipo que accederá á loita polo salto de categoría será o mellor no grupo pola permanencia -os catro peores descenderán de categoría-. Para a loita por evitar o descenso aparecen polo grupo Ao Ourense, Cáceres, Melilla e Tizona; polo grupo B están Xirona, Real Murcia, Huesca, Canoe e Força Lleida ou Almansa.
