Deporte Local Lugo
Básket en la Pista Roja
Os Míticos proclamáronse vencedores do Trofeo Pista Roja 4x4 de Lugo ao superar na final a Desde Viveiro con Budón por 16-11. O partido foi igualado. O equipo gañador soubo aguantar ben o tirón dos mariñáns, que arriscaron nos minutos finais en busca dunha remontada que non chegou.
Nos Míticos xogaban o chantadés Carlos Noguerol, o brasileiro Marcelo Egidio, así como baloncestistas de Melide e Lugo, Completaban o equipo Aitor Vázquez, Álvaro Vázquez, Chisco e André. O quinteto vivariense estaba formado por Félix Ferro, Esteban, José Franco, Fabián e Ángel Cao.
Os Míticos chegaron á final tras superar por 23-14 a In the Middle, un equipo con xogadores de Liga EBA. O seu quinteto estaba formado por xogadores do Estudiantes como Pablo Córdoba, Javi Prieto, Andrés Corral, Gustavo Soares -adestrador deste equipo- e o exxogador estudantil Mukendi.
O Desde Viveiro con Budón venceu por 22-15 a In the Middle, unha escuadra formada polos chantadeses Rubén Pernas e Daniel Eiriz, a quen acompañaban Marco Kalic, Pablo Villar, Enrique Cando e Ares.
O xogador vivariense Félix Ferro recibiu o trofeo como mellor xogador do torneo, tras unha enquisa realizada pola organización a través das redes sociais, na que tivo como principal rival a Noguerol.
Andrés Lodeiro impúxose no concurso de triplos, mentres que Diego Villadóniga adxudicouse o de mates.
