O secretario xeral para ou Deporte, José
Os 24 equipos da provincia, de dez disciplinas deportivas distintas, son o Burela FS, masculino e feminino, e o Castro Feminino, en fútbol sala; Ensino, Breogán e Estudantes en baloncesto; Friol, en fútbol feminino; Emevé masculino e feminino, en voleibol; Meigas e Lóstregos Lucus, en hockey liña; Milagrosa, en tenis de mesa: Tri-Penta Terras de Lugo feminino e masculino, en dúatlon; Cidade de Lugo Fluvial maculino e feminino, en dúatlon e tríatlon; Fluvial de Lugo feminino e masculino e Cidade de Lugo feminino e masculino, en piragüismo; e Club de Loitas Olímpicas Vilalba, en loita libre olímpica.
O secretario xeral para ou Deporte fixo fincapé na importancia do programa para o deporte galego, que se vió impulsado desde o primeiro ano en que levou acabo, en 2009. Logo de doce edicións, os 80 equipos iniciais no citado ano convertéronse nos 231 que entraron no plan na edición para esta tempada, con 3'15 millóns de euros a repartir do orzamento global, dos cales 400.000 irán para os 24 clubs lucenses que se benefician co mesmo.
En total, o plan cubriu xa a 1.617 equipos galegos, cunha cantidade de 33 millóns de euros repartidos entre os mesmos desde 2009. Nesta edición, os equipos lucenses están repartidos en doce entidades femininas, e outras doce masculinas, como recalcou Lete, que fixo énfase na importancia da igualdade.
Mención especial ten a entidade Abanca no mantemento do plan cos anos, sendo pioneira na colaboración co deporte galego de alto rendemento, cun convenio que os vincula ao mesmo ata 2024, noticia moi positiva para a iniciativa da Xunta. Tamén colabora Turismo de Galicia na súa iniciativa para o apoio e a promoción do deporte autonómico.
Con respecto ao futuro, en setembro, por primeira vez desde a creación da iniciativa debido a cambios nos prazos, para adecuar o plan ao calendario competitivo dos equipos que se benefician do mesmo, aprobarase o plan de patrocinio correspondente á tempada 2021-22, que ademais contará co orzamento máis alto, con 3'8 millóns de euros a repartir entre os beneficiados. Isto significa que o plan seguirá vixente, axudando aos equipos no seu financiamento.
