Os afeccionados do Rubián tiveron que esperar á última xornada de liga para ver como o seu equipo lograba o ascenso directo á Segunda Autonómica e celebrárono ao grande no campo do Poste, nada máis rematar a vitoria ante o San Roque que lles aseguraba a segunda praza da liga de Terceira Autonómica.
Sen ningunha dúbida, foi a mellor forma de celebrar o cincuenta aniversario deste Rubián que abandona o pozo do fútbol provincial para militar nunha Segunda Autonómica na que competiu a maior parte da súa historia.