A Federación de Peñas de Lugo elevou unha nova queixa polos horarios dos partidos do conxunto branquivermello. Neste caso, a afección lamenta que o CD Lugo - As Palmas da décima xornada de Segunda dispútese o sábado 5 ás 16.00 horas. E é que ese é o día de San Froilán.
As peñas recordan que é festivo e o día grande das patronais de Lugo, unha xornada cun "carácter eminentemente familiar". Cabe recordar que as comidas de familiares, de amigos e de empresa, co polbo como prato estrela, son típicas do día de San Froilán.
A situación, quéixanse as peñas, non é nova, polo que critican a "deshumanización e alonxamento dos seareiros dos estadios", algo que atribúen ao período de Javier Tebas á fronte de LaLiga.
Comunicado sobre o partido Lugo - U.D. Las Palmas do día 5 de outubro pic.twitter.com/QGb5w0vmse
— Federacion Peñas CD Lugo (@FDP_cdlugo) September 23, 2019