Deporte Local Lugo
A mensaxe de Ana Peleteiro ao xurado do Bernidorm Fest
A galega Ana Peleteiro, medallista de bronce na final olímpica de triplo salto dTokio 2020, foi distinguida co trofeo "ao atleta español do ano" (home ou muller), por diante de Mohamed Katir, finalista olímpico en 5.000 metros.
A saltadora de Ribeira recibiu 1.208 puntos fronte aos 1.064 de Katir e os 1.052 do valista Asier Martínez, nunha enquisa na que participaron representantes dos diversos estamentos do atletismo: xuíces, directivos, adestradores, xornalistas, clubs, estatísticos e atletas.
Os outros dous finalistas eran o oitocentista lucense Adrián Ben, que recibiu 1.037 puntos, e a mediofondista soriana Marta Pérez, que obtivo 1.002.
Ana Peleteiro, que sucede no historial do trofeo ao obstaculista madrileño Fernando Carro, vencedor en 2019 (en 2020 non houbo pola pandemia), recibirá a figura que lle acredita como a mellor atleta do ano, incluídos os homes, o 7 de marzo en Madrid.
