O Clube Baloncesto Burela está de parabén. O infantil Álvaro Ben Baltar, un dos seus novos valores con maior proxección, foi convocado pola selección española sub-12.
Participará na primeira concentración da ‘Operación talento 2019', uns adestramentos que lle serven aos técnicos da Federación Española de Baloncesto para ir preparando o Eurobasket 2023 da categoría sub-16.
A concentración celebrarase entre o 28 de xullo e o 1 de agosto na cidade de Guadalaxara. O xogador mariñán, nacido no ano 2007, participará nestas sesións xunto a outras 29 promesas de toda España.
