Alberto Rodríguez: "Queremos chegar ao parón cos deberes feitos"

O central canario do Club Deportivo Lugo, Alberto Rodríguez, asegurou este martes en rolda de prensa que o equipo "traballa para chegar ao parón cos deberes feitos, veñen moitos partidos en pouco tempo pero os afrontamos con moitas ganas", en referencia aos encontros que o club lucense disputará ante o Tenerife (este sábado), ante o Mirandés en Copa do Rei (o vindeiro xoves) e contra o actual líder de Segunda, o Almería, o próximo día 20.

Rodríguez, ao que unha inoportuna pubalxia impediulle debutar co Lugo ata o duelo copeiro contra a Unión Adarve, asegurou estar "moi feliz" por volver aos terreos de xogo. "As sensacións foron moi boas, cos compañeiros é máis fácil. Paseino mal pero estou feliz por debutar no fútbol profesional con este club", dixo.

Ademais do partido ante o Unión Adarve, o central gozou duns minutos no Ángel Carro ante a UD Eivissa a pasada fin de semana, no que foi o seu debut oficial en Segunda División. "Debutar e facelo en casa foi algo moi especial. Quero seguir vivindo esta experiencia e achegar todo o posible no que me pidan".

Sobre a súa competencia na zaga, apuntou que "Ros e Alende xogárono todo, son dous activos moi importantes e o resto traballamos día a día para que o míster téñao difícil. Seguimos apertando para axudar e conseguir entrar no once cando sexa posible e necesario".