O atleta mariñán Adrián Ben queda fóra da selección española de cros sub-23 que participará o 8 de decembro no Europeo de cros de Lisboa.
Ben estaba preseleccionado, pero as súas sensacións no Cros de Alcobendas do domingo non foron boas e os técnicos da federación decidiron non seleccionalo.
O vivariense, que foi sexto en outubro na final de 800 metros do Mundial de Doha, concluíu en Alcobendas en vixésima cuarta posición, quinto na categoría sub-23, cun tempo de 32.10 minutos.
