A delegación española en Bydgoszcz (Polonia) pechou a segunda xornada do Campionato de Europa de atletismo paralímpico con dúas medallas: o ouro da lucense Adiaratou Iglesias nos 100 metros T13 e a prata de Melani Berges nos 100 metros T12. Deste xeito, España sitúase novena no medalleiro con 8 preseas (dous ouros, cinco pratas e un bronce).
A atleta con discapacidade visual Adi Iglesias superaba con autoridade a todas as súas rivais para colgarse a súa primeira medalla de ouro nun campionato internacional tras as dúas pratas do pasado Mundial de Dubai (en 100 e 200 metros). Ademais, a deportista galega, cunha marca de 14'90'', referendou a súa mínima que lle dá billete directo para os Xogos de Tokio. Nesta mesma proba, outra española, Nuria Pascual concluía en sétima posición.
A medalla de Melani Berges chegou mediada a tarde. A barcelonesa, que partía como unha das grandes favoritas xunto á turca Kilinc, conquistou finalmente a prata, quedando a 2 segundos do seu rival, cun rexistro de 1'02''16. Co subcampeonato de Berges nos 100 metros T12 (atletas con discapacidade visual media) pechábase a cota de medallas do día para a selección española.
O campionato de Europa de atletismo paralímpico, que concluirá o vindeiro sábado. A deportista do Lucus Caixa Rural Galega compite nas probas de 100 metros lisos, 400 metros lisos e substitución mixta 4×100, nun programa moi apertado para todos os participantes.
Máis de 700 deportistas compiten estes días na citada cidade polaca nunha das últimas probas previas á magna cita dos Xogos Paralímpicos de Tokio (do 24 de agosto ao 5 de setembro), onde Adi Iglesias estará logo de conseguir a mínima no campionato do mundo paralímpico de Dubai 2019.
