Un dos grandes baluartes do Pescados Rubén Burela FS esta tempada volverá ser Eduardo Saavedra Cebreiro "Edu". O porteiro volverá ser o capitán da nave laranxa logo de renovar e afronta esta nova campaña con moitas ganas e ilusión. "Estou orgulloso de seguir defendendo esta camiseta e de poder axudar a Burela a volver a Primeira División, que é o obxectivo de todos", advirte o porteiro, que cumprirá a súa undécima tempada no Burela FS.
Sobre as primeiras semanas de pretempada, o porteiro apunta que as sensacións son boas. "Formamos un bo grupo tanto das referencias que tiñamos das novas incorporacións como pola base importante do ano pasado", di Edu, que cre que con este "persoal pódese ser ambicioso" e aínda se marca o listón máis alto. "Temos equipo para estar arriba e incluso para ser campións", explicou o naronés nun acto no que estivo acompañado polo presidente do club, Manuel Blanco, e o directivo, Auditor Rodríguez.
Con este persoal pódese ser ambicioso; temos equipo para estar arriba e incluso para loitar por ser campións
Edu xa sabe o que é traballar ás ordes de Juanma Marrube nunha pretempada. Estivo a pasada tempada no club laranxa e coñece os métodos do alfocés. "Estamos ás ordes de Juanma para traballar e chegar nas mellores condicións ao comezo da tempada", explicaba o 1 burelista, que cumprirá a súa undécima campaña no conxunto laranxa.
Estamos ás ordes de Juanma (Marrube) para traballar e chegar nas mellores condicións ao comezo de tempada
Sobre os partidos amigables que se desenvolven durante esta semana, como o triangular xogado o xoves en Vegadeo ou o partido do sábado ante o Inter Movistar, Edu cre que "son partidos que afrontamos como unha aprendizaxe tanto por parte dos novos como dos que xa somos veteranos en Burela, para afianzar o traballo", sinala, e recoñece que o "equipo tiña moitas ganas de xogar logo de dúas semanas de traballo".
Edu tamén ten marcado no calendario unha cita na pretempada, e é