O Durán Maquinaria Ensino caeu ante un Gernika (84-75) comandado pola pivote Tinara Moore, que acabou con 31 puntos e 9 rebotes, con 42 de valoración, nun encontro disputado a un ritmo frenético e con alternativas constantes no marcador.
O equipo lucense comezou con certos altibaixos defensivos que pagou cun parcial de inicial de 15-7, mercé ao maior acerto do rival en tiros exteriores liberados e o seu maior dominio do rebote.
Tinara Moore, MVP da liga Feminina na tempada pasada, converteuse na auténtica protagonista do partido. Con estatísticas case perfectas liderou ao equipo anfitrión. Non atopou oposición ata ben entrado o segundo cuarto cando a defensa en axudas de dúas contra un logrou freala, aínda que en contadas ocasións, dada a súa mobilidade sobre o parqué de Maloste durante os corenta minutos.
Durán Maquinaria Ensino: Mariña Lizarazu (8), Natalie Van den Adel (4), Laura Aliaga (22), Helena Oma (8) e Chatrice White (6) —quinteto inicial— Giorgina Bahí (8), Alessandra Orsili (3), María Eraunzetamurgil, Alba Prieto (7) e Sofía da Silva (8).
Árbitros: Lucas de Lucas, Degarvin Domingo e Rodrigo Areste.
Incidencias: Pavillón de Maloste.