O Durán Maquinaria Ensino non puido lograr a Copa Galicia tras caer ante un superior Universitario de Ferrol por un claro 78-62 a pesar da gran actuación de Raquel Asensio, que foi nomeada a mellor xogadora do torneo tras os seus 28 puntos na final.
A clave do partido estivo no segundo cuarto, onde o parcial de 20-9 foi imposible de remontar para o conxunto lucense, que aguantara no primeiro parcial a un equipo da máxima categoría do baloncesto feminino español.
A pesar do bo xogo ensinista tras o descanso, a remontada foi unha tarefa irrealizable a pesar do empeño de Raquel Asensio, que foi a gran protagonista do partido xogado en Narón. A xogadora catalá foi a máxima anotadora do partido con 28 puntos con 8 de 13 en tiros de tres e catro de catro en libres.
