O Durán Maquinaria Ensino, que perdía por 23 puntos a falta de dez minutos (36-59), rozou este venres un triunfo épico fronte ao Araski de Vitoria. Ao final afogouse na beira e caeu por 72 a 74 ante os seus afeccionados.
O conxunto lucense case se sobrepuxo á sensible ausencia das súas dúas center, Britany Miller, baixa de última hora, e Astou Traoré, que leva varias semanas sen xogar por lesión.
O Ensino sucumbiu en casa o día da presentación das súas categorías inferiores. A á-pivote local Atonye Nyingifa foi a xogadora máis destacada do encontro, con 22 puntos e 15 rebotes.