O Durán Maquinaria Ensino sufriu este domingo un duro revés nas súas aspiracións de disputar a Copa da Raíña ao perder en Zaragoza fronte a un rival directo, o Mann Filter Casablanca, por 71 a 68.
O arranque de partido lastrou ao equipo de Carlos Cantero que aos quince minutos perdía por 35-18.
No terceiro cuarto o conxunto lucense reaccionou e chegouse a pór por diante no marcador, 50-55, no minuto 29.
O partido igualouse no último cuarto, no que as xogadoras mañas estiveron máis atinadas. O Durán Maquinaria Ensino errou un triplo a falta dun segundo para forzar a prórroga.
A xogadora máis destacada foi a á-pivote do equipo lucense Nyingifa, que anotou 19 puntos e capturou 11 rebotes.
