O Durán Maquinaria Ensino perdeu a final da Copa Galicia de baloncesto feminino ante o Baxi Ferrol por 68 a 61, disputada este domingo en Marín.
O equipo lucense, que foi todo o partido por detrás do marcador, non puido contar coa súa xogadora franquía, Tamara Abalde.
O Baxi Ferrol, recentemente ascendido á liga Endesa, tenlle tomada a medida ao Durán Maquinaria Ensino, pois lle venceu nos dous duelos xogados nesta pretemporada.
