O parón ligueiro polos compromisos da selección española non lle sentou ben ao Durán Maquinaria Ensino, que perdeu amplamente na súa visita ao Lointek Gernika Bizkaia por 67-48.
O equipo lucense non foi capaz de repetir ante un complicado rival a gran imaxe que dera na vitoria da xornada anterior fronte ao líder Perfumerías Avenida.
As perdas de balón e a ineficacia ofensiva -excepto Nyingifa que anotou 14 puntos- condenaron ao Durán Maquinaria Ensino, que aguantou o primeiro cuarto, 17-17. Ao descanso, xa ía oito abaixo (31-23), porque só foi capaz de anotar seis puntos en dez minutos. O terceiro cuarto, no que encaixou un parcial de 21-12, condenouno á derrota.