Choque de sensacións o que se viviu este sábado no derbi galego da Primeira División Feminina disputado entre o Poio Pescamar e o Burela FSF. As visitantes demostraron durante preto de 37 minutos a súa condición de claro favorito e aspirante ao título, pero bastaron tres bos minutos das rojillas para pór emoción a un partido que parecía máis que sentenciado.
O Burela saíu á pista con moita autoridade. No minuto 6 xa marcaran os dous primeiros goles, anotados de forma case consecutiva por Ceci e Dany. Ale de Paz, en propia porta e Lara completaban a espectacular primeira parte do equipo mariñán.
Tras a continuación Jenni recortaban distancias para o Poio no minuto 29, tras unha serie de boas oportunidades do Burela.
Nos últimos tres minutos chegou a éxtase ao pavillón da Seca. Charo (min.36) puxo o 2-4 e inmediatamente despois Dany volvía anotar para as visitantes co que o partido parecía finiquitado. Con todo dous goles de Yoli a falta dun minuto, xa con xogo de cinco, fixeron soñar ás rojillas cunha remontada que finalmente non se produciu.
O Burela segue así o ronsel do Fusi Atlético, que segue líder tras vencer ao Valdetires Ferrol (1-6), mentres que o Poio Pescamar mantense de momento na zona tranquila da clasificación.
► Consiga a información completa do partido na edición deste domingo de El Progreso ◄