O Lugo levou unha goleada ante o Racing de Ferrol (3-0), equipo de Primeira Federación, o día depois de levantar o Trofeo Emma Cuervo ante o Oviedo (1-1). No municipal Arturo Pereiro de Castro de Ribeiras de Lea, o conxunto de LaLiga SmartBank viuse sorprendido polos ferroláns.
Rubén Albés fixo debutar na portería a última fichaxe do equipo, Óscar Whalley, e no once acompañaron o gardameta Campabadal, Alberto Rodríguez, Ros, Canella, Xavi Torres, Seoane, Juanpe, Gerard Valentín, Hugo Rama e Manu Barreiro.
O Racing de Ferrol aliñou o arxentino Gianfranco Gazzaniga, Miguel Loureiro, o uruguaio Yeferson Quintana, David Castro, Alfonso Candelas, Kevin Presa, Manzanara, Dani Neto, Pep Caballé, Davir Rodríguez e Joselu.
Whalley encaixou o primeiro tanto aos 19 minutos, obra de Pep Caballé, e recibiu o segundo no ecuador do primeiro tempo nun remate de Joselu Gómez.
Á hora de partido, os lucenses quedaron en inferioridade por un cartón vermello a Juanpe Jiménez e pouco despois Yeferson Quintana materializou o terceiro tanto.