O Pescados Rubén Burela FSF salvou un dos escollos máis complicados que quedaban fóra de casa e deu un paso de xigante para proclamarse campión de inverno da liga Foro16 Feminismo de fútbol sala ao vencer por 3-5 en Alacante. Luci foi a gran protagonista ao anotar catro dos cinco goles laranxas —o outro chegou en propia meta—.
O equipo de Burela xerou perigo na portería local desde o comezo e así chegou o 0-1, nunha gran combinación entre Dany e Luci que esta remachou no segundo pau.
O cadro local intentou reaccionar con presión alta e, nunha boa contra, Carmen puxo as táboas tras unha gran xogada de Elenita. O Alacante cargouse de faltas e Alves dispuxo dun dobre penalti a falta de pouco máis de 7 minutos, pero lanzou fóra.
Podes ler a crónica completa do partido na edición impresa do Progreso deste domingo.
