A sorte foi esquiva este sábado co Emevé, que encaixou unha nova derrota a domicilio na Liga Iberdrola de voleibol feminina fronte ao Madrid Chamberí por tres sets a un, que lle afunde no último posto da clasificación.
A derrota doe aínda máis porque foi ante un rival directo pola salvación, que xa lle gañara no partido da primeira volta en Lugo por dous sets a tres entón.
O equipo lucense perdeu o primeiro set por un axustado 28-26 e igualou o partido no segundo 19-25. O Emevé caeu no terceiro por 26-24, tras desaproveitar un 21-23 a favor. A igualdade desfíxose no último xogo, 25-17.
â?? Aquí tes o partido completo