O Pescados Rubén Burela FSF pechou a sétima xornada de Primeira feminina cun triunfo de máis de tres puntos. As pupilas de Julio Delgado e Lucas aférranse ao liderado tras superar por 3-0 a un rival directo, o Penya Esplugues. Este resultado outórgalles unha vantaxe de catro puntos co segundo, o Atlético de Madrid, e de cinco coas catalás.
Luci, cuxo disparo se atopou co oportuno pé de Muni, e Lara Balseiro, cun remate o pau, avisaron das intencións mariñás, ante un rival cunha gran defensa. A fortuna non estivo ao lado das laranxas nunha dobre tentativa de Cristina, bloqueada primeiro por Muni para que o local estrelase o rexeite contra o poste. A murciana non fallou á terceira, asistida por Dany. e fixo o 1-0. Ana Romeu estivo moi atenta ao bordo da área, tan só un minuto despois, fronte a Pilar. Volveu á carga os Pescados Rubén para marcar o 2-0. Dany recolleu un balón morto e excedeu a liña de meta.
Nunha segunda parte con menos desequilibrio, Cristina dispuxo doutra dobre ocasión de ouro, primeiro coa meta Nerea como muro e despois cun balón demasiado alto. A burelense atopou o gol cun disparo desde o frontal, que pegou en Celia antes de entrar.
As mariñás intentaron facer dano, cunha xogada de Dany á que chegou Cilene ao segundo pau e o seu remate marchou fóra por pouco. Con cinco minutos por diante, o Penya Esplugues saíu con xogo de cinco sen perigo.
Peque e Luci incorporáronse á concentración da selección española en Nijar (Almería), onde xogarán dous amigables o martes e mércores contra Rusia.