O Polvorín logrou no campo da Senra a súa primeira vitoria a domicilio da tempada ao imporse este domingo ao Ribadumia cun dobrete de Escobar, unha diana de Morais, outra de Javi Rei e o broche rubricado por Juan Brunet. O filial do Lugo callou un partido perfecto e foi moi superior ao cadro local, deixando todo resolto a falta de media hora para o final.
O tanto de Hugo Soto deu emoción ao tramo final. Juan Brunet, no tempo engadido, pechou a manciña. A terceira vitoria nos últimos catro compromisos, permite ao conxunto dirixido por José Durán proseguir a súa escalada na táboa clasificatoria.
O Polvorín, co adestrador do primeiro equipo branquivermello, Alberto Monteagudo, na bancada, saíu con moita determinación na Senra. Tratou de ser protagonista, presionando con intensidade en campo contrario. A escadra local, infestada de baixas, estivo moi imprecisa.
A crónica completa do partido, este luns na edición impresa do Progreso.
