O Racing Vilalbés enlazou a súa terceira derrota consecutiva en Pontellas. O equipo de Simón Lamas callou un bo partido, pero un penalti en contra no minuto 77 decantou a cita a favor dos locais. A desafortunada acción tirou por terra o traballo defensivo do conxunto visitante, impecable ata ese momento. Cuadrado e Sito protagonizaron as oportunidades máis claras, pero, unha vez máis, a falta de puntería pagouse con puntos.
Pese ao mal resultado, o cadro mantense na parte media da clasificación, aínda que con só un punto de marxe sobre o descenso.
O conxunto chairego gozou de varias situacións de perigo nos primeiros minutos, a pesar de que o seu adversario se impuxo na posesión.
► Le a crónica completa na edición impresa de El Progreso deste luns
Racing Vilalbés: Pita; López, Vérez, Josito (David, m. 86), Buyo; Muiña, Make; José Varela, Sito (Javi Sandá, m. 74), Ángel (Diego Rey, m. 74); e Cuadrado.
Gol: 1-0, m.77: Berto, de penalti.
Árbitro: Rodríguez Campos (A Coruña). Amonestou con tarxeta amarela aos xogadores locais Javi, Edu e Sergio Sancho e aos visitantes Make e López.
Incidencias: Partido disputado no campo de San Campio.