Xeados e cabizbaixos. Así finalizaron os xogadores e o corpo técnico do Rácing Club Vilalbés o derbi de proximidade ante o CD As Pontes, un partido que se prevía intenso e igualado desde o inicio, e que concluíu con sorpresa no Poboado.
O conxunto local, moito máis necesitado que os chairegos —partía en postos de descenso, con 18 puntos—, logrou vencer pola mínima neste primeiro partido da segunda volta cun solitario gol de David García, un tanto que chegou tras un erro defensivo pouco habitual nos visitantes nos primeiros instantes da segunda metade.
Antes, sobre todo durante o primeiro período, os azuis tiveron certo dominio do xogo. Controlaron a posesión e trataron de sorprender con centros e saques de banda colgados á área. Incluso Carlos López, un dos principais protagonistas do choque, tivo a ocasión de romper as táboas cun disparo afastado moi colocado que obrigou a estirada de Javi Pita.
► Le a crónica completa na edición impresa deste luns de El Progreso
Rácing Vilalbés: Javi Pita, López, Vérez (Ángel, min. 61), Josito, David Buyo, Javi Varela (Moreda, min. 77), José Varela, Make, Sandá, Sito e Cuadrado.
Gol: 1-0, min. 50: David García.
Árbitro: Óscar Martínez Santos (Santiago). Amosou cartón amarelo polo As Pontes a Dani Pájaro, Carlos López, Sánchez e ao delegado, José Antonio Pena. Polo Vilalbés amoestou a Vérez e Josito.
Incidencias: Primeiro partido da segunda volta en Terceira, disputado no Poboado ante uns 200 espectadores.
