Chegou a primeira alegría para o Polvorín. O conxunto que adestra José Durán conseguiu a primeira vitoria da tempada e os primeiros puntos ao superar pola mínima ao Porriño nun encontro no que os branquivermellos foron superiores ao seu rival e gozaron de máis ocasións de gol. Con todo, o Polvorín tivo que esperar ata o minuto 88 para conseguir o premio do gol grazas a un remate de Antón.
Desde os primeiros minutos, o conxunto dirixido por José Durán demostrou que quería e necesitaba os tres puntos. Os locais saíron valentes, sen especular e coa intención de someter a un equipo que, como eles, acaba de ascender á categoría. Ademais, o mellor xogador do Porriño foi o porteiro, o que demostra o que fixo un e outro equipo.
► Goce da crónica completa coa edición en papel do Progreso deste luns
