O británico Chris Froome (Sky) viuse envolvido ao finalizar a decimoséptima etapa do Tour 2018 nun incidente cun xendarme que lle intentou cortar o paso cando se dirixía cara o seu autobús ao confundilo cun afeccionado.
Froome terminou caendo ao chan nun pequeno forcexeo co axente, quen instantes despois se deu conta da identidade do corredor do Sky.
Tras o incidente, o problema non pasou a maiores ao aclararse a confusión, nunha etapa na que dado o reducido espazo co que contaba a organización en liña de meta obrigou aos ciclistas a baixar varios quilómetros en bicicleta ata os seus respectivos autobuses.
Para o corredor británico a etapa con final na inédito Col du Portet non puido ter peor final, xa que á perda do seu segundo posto na clasificación xeral a mans do holandés Tom Dumoulin (Sunweb) uniuse este incidente sen maiores consecuencias.
