A pesar de disputarse a porta pechada, a Valencia-Atalanta de Liga de Campións deste martes contou cun espectador de excepción. Desde o ano pasado, Mestalla conta coa estatua dun seguidor ilustre, Vicente Navarro, que non faltou á súa cita co equipo dos seus amores a pesar de perder a visión.
Deste xeito, o asento 164 da fila 15 da tribuna central do estadio está ocupada por unha figura do falecido, quen acudía ao fútbol xunto ao seu fillo, que era quen lle narraba o que pasaba. Unha historia coñecida en Lugo, pois o mesmo sucede co invidente José Real e o Breogán equipo do que non se perde un encontro. É o seu xenro, José Manuel Ferreiro, quen lle conta o que pasa sobre o parqué.
A figura de Navarro, esculpida en bronce e realizada en tamaño natural, será trasladado ao novo campo da Valencia cando abandone Mestalla.
