A Uefa anunciou este martes a través dun comunicado oficial que se abriu "un procedemento disciplinario" contra o Real Madrid, o Barcelona e a Juventus por un posible "violación do marco legal" da institución presidida por Aleksander Ceferin tras o intento de creación da Superliga europea.
Deste xeito, os tres clubs dos doce que asinaron o proxecto da Superliga e que despois non se retractaron ante a Uefa, teñen un procedemento aberto logo dunha investigación levada a cabo polos inspectores de Ética e Disciplina do organismo futbolístico.
No citado comunicado, a Uefa non especifica máis detalles en relación ao caso e tanto Real Madrid, como Barcelona e Juventus aínda terán que esperar un tempo para coñecer se definitivamente reciben algún tipo de sanción.
O pasado 18 de abril produciuse o anuncio oficial da creación da Superliga na que participarían vinte clubs cada tempada con quince prazas fixas. Nese momento, saíron os nomes dos primeiros doce clubs asinantes, entre eles estaban o Real Madrid, o Barcelona e a Juventus.
Tamén asinaron o Milan, o Chelsea, o Arsenal, o Atlético de Madrid, o Inter, o Juventus, o Liverpool, o Manchester City, o Manchester United e o Tottenham.
Tras sufrir fortes criticas por parte de afeccionados, clubs e futbolistas, despois, todos os clubs fundadores, a excepción do Barcelona, o Real Madrid e o Juventus, decidiron retirarse do proxecto. Agora, exponse a unha sanción da Uefa.
