Sandra Sánchez dálle a España o segundo ouro en Tokio 2020

A de Talavera de la Reina imponse á xaponesa Kiyou Shimizu na final de kata
Sandra Sánchez celebra su oro en Tokio. LAVANDEIRA JR
photo_camera Sandra Sánchez, na final. LAVANDEIRA JR

Sandra Sánchez logrou a segunda medalla de ouro para España nos Xogos Olímpicos de Tokio. A karateca de Talavera de la Reina impúxose na final de kata á xaponesa Kiyou Shimizu. 

Sánchez e Shimizu repetiron no Nippon Budokan da capital xaponesa a final do último campionato do mundo, en 2018 en Madrid, co mesmo resultado.

A española é a primeira campioa olímpica da historia do kárate: este deporte estréase nos Xogos de Tokio e a final feminina de katas foi a que abriu o programa.

As dúas medallas de bronce gañáronas a italiana Viviana Bottaro e a hongkonesa Lau Mo Sheung Grace. 

Con este ouro, España suma once medallas. O seu primeiro posto súmase ao logrado en tiro Alberto Fernández e Fátima Gálvez. Ademais, os deportistas españois acumulan catro pratas e tres bronces.

Comentarios