Sainz di adeus ao Dakar

O español Carlos Sainz, que o martes asumira o liderado da proba de coches no Dakar, tivo un problema na carcasa da caixa de cambios durante a décima etapa. Unha avaría que lle fixo perder as súas opcións no rally. Aínda que finalmente, Sainz e Cruz chegaron á meta remolcados por un camión e con seis horas de atraso.

Ata este xoves non se saberá se os pilotos tomarán a saída da undécima etapa. Peugeot quere que o seu equipo español poida continuar pero a decisión tomarase despois de que os mecánicos revisen o vehículo.

A etapa entre Belén e A Rioxa non foi fácil para o madrileño, a pesar de que deu a saída como líder do xeneral. No quilómetro 213, apenas a 31 da nova meta establecida para este mércores, o madrileño sufriu un serio dano mecánico. Ademais perdeu un punto de paso, sufriu unha picada e quedou cravado na area.

O equipo francés informaba de que as asistencias ían cara á posición de Sainz para intentar reparar a avaría. "Carlos atópase esperando a asistencia, que con esta partida do Súper Fiambalá, atópase varios quilómetros por detrás, xusto detrás de Sebastien Loeb", explicaron. A outra opción, que se barallou nun primeiro momento para que o madrileño finalizase a etapa, era esperar por un carrexo do francés Romain Dumas. 

Finalmente, Sainz foi remolcado por un camión de asistencias ata a meta. Aínda que lle quedan 300 quilómetros para alcanzar o campamento onde os mecánicos de Peugeot revisarán o vehículo.