RTVE investigará os "comentarios machistas" no Real Madrid-Eibar feminino

Radio Televisión Española (RTVE) anunciou este martes a apertura de " investigación interna para esclarecer a procedencia dos comentarios machistas que puideron escoitarse por son ambiente" durante as probas de realización do partido entre os equipos femininos do Real Madrid e o Eibar do pasado 16 de maio. 

"Ao tratarse dunhas probas técnicas, esa secuencia non se emitiu en ningún das canles nin plataformas de RTVE, nin en Teledeporte, que emitiu o partido en directo, nin en +TDP", puntualiza a corporación. 

Esto... esto es coña verdad? Por favor.. decidme que es coña... https://t.co/zSivSquTdS

— virginia torrecilla (@VirginiiiaTr) May 18, 2021

O sinal si foi entregado á Real Federación Española de Fútbol (RFEF) para a súa posible distribución a terceiros, tanto de ámbito nacional como internacional, posto que "os dereitos que ostenta RTVE sobre este acontecemento deportivo son en réxime de non exclusividade". 

O Observatorio de Igualdade actuou de oficio e iniciou un expediente para que se tomen as medidas oportunas no caso de que eses comentarios machistas puidesen proceder dalgún traballador de RTVE.