O ecuatoriano Richard Carapaz (Movistar) gañou este domingo o seu primeiro Xiro de Italia, tras defender a súa vantaxe na clasificación xeral sobre Vincenzo Nibali (Bahrein) nos 17 quilómetros de contrarreloxo final disputada en Verona.
Carapaz, primeiro ecuatoriano capaz de gañar o Xiro de Italia e ovacionado por decenas dos seus compatriotas na Area de Verona, encarou a contrarreloxo con 1 minuto e 54 segundos de vantaxe sobre Nibali e, a pesar de perder 49 segundos con respecto ao italiano, coroouse campión.
O corredor de Tulcán, de 26 anos e cuarto clasificado na última edición, fixo historia tras acabar o Xiro con dúas vitorias de etapa, na cuarta e na décimo cuarta, e un paseo triunfal en Verona.
O máis rápido na contrarreloxo deste domingo foi o estadounidense Chad Faga (Sunweb), que entrou cun tempo de 22 minutos e 7 segundos.