"O racismo en EE UU existe de norte a sur pero ninguén nace racista, é algo adquirido"

Recoñece preocupación o exbreoganista George Singleton e por iso participou nalgunha manifestación pacífica durante estes días. O seu fillo Tristain tamén, pero acabou no cárcere tras ser detido pola policía en Charleston, unha cidade costeira.

EE.UU. vive unha onda de protestas e disturbios desde o asasinato de George Floyd a pasada semana. Como e onde o está vivindo?
En Greensville, Carolina do Sur. Están a pasar moitas cousas. A morte de Floyd causou un estado de inquietude, axitación e malestar nacional e internacional. Moita xente está a protestar, principalmente polo xeito en que morreu, pero tamén polas inxustizas que a xente ten que tolerar e afrontar desde xa hai moito tempo.

Cal é a súa opinión persoal sobre todo o que está a ocorrer?
É frustrante porque nada cambiou, todo sigue sendo igual. á xente non se lle trata con xustiza, especialmente no relativo a igualdade. Hai xente á que non se lle trata coas mesmas regras do xogo. Entón un frústrase, e cando isto ocorre o único que cres que podes facer é rebelarche. Por iso hai moita xente infeliz, pero tamén están os que se aproveitan da sistémica situación que vivimos para saquear, roubar e facer dano á xente. Estou moi molesto.

"O que está a facer Trump vai máis camiño dunha ditadura parecida á que sufriu España con Franco"

Esta multitudinaria resposta social prodúcese porque é un problema enquistado desde hai moitas décadas?
Sen dúbida. é algo xeracional, simplemente pola desvantaxe que tivemos sempre a poboación negra. Sufrimos a escravitude, a proclamación da emancipación, as leis de Jim Crow, a falta de dereito a voto... foi moi difícil para nós incluso ter un campo de xogo coas mesmas regulas que os demais. Por iso agora máis xente de diferentes nacionalidades, ademais por suposto da América negra, veno e dan un paso á fronte, están a alzar a voz.

É Donald Trump unha das razóns polas que se intensificou este movemento?
Absolutamente. Non vou dicir que isto non ocorrese sen George Floyd, pero as secuelas do que está a pasar agora serían moi parecidas. Se tivésemos un líder con compaixón, con capacidade de dialogar, de facer ver que somos capaces de traballar xuntos, de atraer a outros líderes á mesa, expresidentes, para aconsellarse con eles, estou seguro de que estas cousas non pasarían. O que está a facer Trump vai máis en camiño dunha ditadura, parecida á que se viviu en España con Franco, cos mesmos principios que tanto dano fixeron ao voso país. Trump ten unha mentalidade parecida en moitos aspectos.

Ven imaxes de saqueos e roubos. Que lle parece todo isto?
Non é bo esnaquizar propiedades, pero hai que darse conta de que hai faccións ou grupos que non están aí para protestar pola morte de George Floyd. Están aí polo seu propio egoísmo, porque ven unha oportunidade para esnaquizar, roubar e saquear. Tamén hai outros que teñen a súa propia axenda, que é a de aumentar o dano, non só cara á propiedade, senón tamén cara á xente. Non é bo, e parece, como salgue nas noticias, que hai moitísimo saqueo, pero tamén hai un gran número de marchas pacíficas desenvolvéndose en todo o país. Pero desgraciadamente xa sabemos que sae nas televisións.

Teñen relación os disturbios coa actual situación económica que atravesa o país?
Non teño ningunha dúbida. O feito de ter case 40 millóns de norteamericanos no paro, encerrados en casa durante dous meses polo coronavirus, que morran máis de 100.000 persoas e máis dun millón estiveron ou están enfermos, desde logo que é un caldo de cultivo perfecto para que ocorran estas cousas.

"Hai moita xente que se aproveita dunha situación sistémica para saquear, roubar e facer dano aos demais"

Sufriu episodios de racismo?
Todo negro que vive en Norteamérica viviu algún episodio de racismo. E se di que non, mente. Chamáronme de todo, acosáronme. Pero iso era cando medía 1,60, agora mido 2,02 (risas) e xa non me pasa tanto. Hai cousas que a América branca asume con naturalidade sobre as persoas negras. Estiven en situacións nas que a xente asumía que se un grupo de negros están xuntos, é que algo malo vai pasar. Non poden estar xuntos para pasarllo ben, só están xuntos para roubar ou esnaquizar. A min insultáronme e faltáronme ao respecto de moitos xeitos nas canchas de baloncesto.

Hai máis racismo no sur que no norte do país?
Hai diferentes versións, pero sempre é o mesmo. Desde Maine ata California, desde Seattle ata Florida. Non é que o sur sexa máis racista que o norte, é todo o mesmo. O racismo é racismo. Direiche algo: o racismo é algo adquirido. Ninguén nace racista, non naces racista. é algo que che colocan. Ninguén nace racista, ninguén nace odiando á xente negra. é duro, pero é así. á xente ensínaselle a odiar, ensínanlles a sentirse dun xeito concreto sobre a xente negra.

Que papel debe cumprir do deporte nesta problemática?
A NBA apostou pola promoción da igualdade, por deixar que os xogadores expresen as súas opinións e os seus pensamentos. é unha plataforma na que se demostra diversidade. Lideraron ese camiño, e seguen facéndoo.

Vive en Greensville (Carolina do Sur). Participou nalgunha protesta?
Participamos en manifestacións pacíficas, como outras tantas persoas, pero nada violento. O meu fillo maior (Tristain) participou na protesta de Charleston (Carolina do Sur) e acabou no cárcere.

Que ocorreu?
Foi preto da praia. Estaba a protestar, apareceu a policía e meteron a unhas cantas persoas no cárcere, entre eles o meu fillo. Pero xa está todo solucionado, só foron un par de horas.