O alemán Marcel Kittel sumou este mércores a súa quinta vitoria nesta edición do Tour de Francia, a décimo cuarta en total, tras imporse sen problemas no esprint de Pau, nunha etapa na que non houbo cambios na xeral, liderada polo británico Chris Froome.
O xermano do Quick Steep volveu demostrar que non ten rival nas chegadas agrupadas e co seu xersei verde da regularidade impúxose ao holandés Dylan Groenewegen, do Lotto Jumbo, e ao noruegués Edvald Boasson Hagen, do Dimension Data.
Con este triunfo, Kittel suma xa máis vitorias de etapa que as catro que conseguira en 2014, a súa marca.
Os favoritos para a xeral superaron a etapa sen problemas, con Froome con 18 segundos de renda sobre o italiano Fabio Aru, 51 co francés Romain Bardet e 55 co italiano Rigoberto Urán.
O español Alberto Contador, que está distanciado na xeral, sufriu dúas caídas na xornada.
Quinta vitoria de Kittel no Tour, sen cambios na clasificación xeral
O ciclista español Alberto Contador sufriu dúas caídas, algo que aínda o distanciou máis na clasificación