O primeiro clásico disputarase o 25 de outubro no Camp Nou

O Camp Nou acollerá o 25 de outubro o primeiro clásico da tempada, o duelo entre o Barcelona e o Real Madrid, segundo deparou o sorteo do calendario de LaLiga Santander celebrado este luns na sede da Real Federación Española de Fútbol.

Haberá que esperar ata a sétima xornada para vivir o enfrontamento entre os dous xigantes do fútbol español. A volta disputarase o 11 de abril, na trixésima xornada, no estadio Santiago Bernabéu.

O primeiro derbi madrileño, o enfrontamento entre o Atlético de Madrid e o Real Madrid, chegará na décimo terceira xornada, prevista para o 13 de decembro, cando ambos os conxuntos se enfrontarán no estadio do conxunto madridista.

A volta entre os do arxentino Diego Pablo Simeone e os do francés Zinedine Zidane disputarase o 7 de marzo, na vixésima sexta xornada, no estadio Wanda metropolitano.

Outro dos puntos álxidos da tempada chegará cos enfrontamentos entre o Barcelona e o Atlético de Madrid, que se medirán o 22 de novembro no Wanda Metropolitano e o 9 de maio no Camp Nou.