A Premier League desvelou este martes os resultados do test realizados a todos os futbolistas da liga e confirmou seis positivos en total.
Realizáronse test a 748 xogadores e empregados, dos cales deron positivo seis, procedentes de tres clubs diferentes, segundo informou a Premier nun comunicado.
Os futbolistas e empregados do club que dean positivo serán illados durante sete días.
"Non se darán detalles específicos dos clubs ou dos individuos por parte da Premier League debido a requirimentos legais", engadiu a competición.
Este martes os clubs volveron aos adestramentos en grupos pequenos despois de que este luns os 20 equipos que compoñen a competición votasen a favor diso.