A Cámara de Investigación do órgano de Control Financeiro dos clubs da UEFA (CFCB) pechou sen sanción a investigación aberta ao francés París Saint Germain e estimou que o club mantivo "unha aceptable desviación" do punto de equilibrio nos anos 2015, 2016 e 2017.
Segundo informou a UEFA, para o cálculo do punto de equilibrio non se tivo en conta o ano fiscal 2018 e a CFCB "manterá unha estreita vixilancia sobre o club e o impacto financeiro dos traspasos desde o verán de 2017 ata os que faga no próximo período de transferencias".
O PSG investiu máis de 400 millóns de euros no verán de 2017 cando contratou ao brasileiro Neymar e ao francés Kyliam Mbappé e para equilibrar as súas contas terá que facer operacións para ingresar uns 60 millóns de euros, segundo estimou o diario francés L'Equipe.