O británico Andy Murray anunciou entre bágoas na rolda de prensa previa á fase final do Aberto de Australia que a súa intención é retirarse tras o Grand Slam de Wimbledon como consecuencia do calvario polo que atravesou no último ano pola súa lesión na cadeira.
O británico Andy Murray, actual 230 do mundo, rompeu a chorar na rolda de prensa previa ao Open de Australia ao explicar o calvario sufrido no último ano tras ser operado da cadeira en xaneiro de 2018.
"Estiven sufrindo durante un longo tempo, un total de vinte meses. Intentei facer todo o posible pero a dor non cesou", afirmou o escocés, quen se enfrontará en primeira rolda ao español Roberto Bautista (22).
O ex número un, quen conta con tres Grand Slams (dous Wimbledon e un Aberto de Estados Unidos), argumentou que ten que ter en conta a súa calidade de vida e que, por esta razón, vai intentar retirarse tras a nova edición de Wimbledon, aínda que non descarta a posibilidade de verse obrigado a abandonar o circuíto tras Melbourne.
