Mouriño rexeita a oferta chinesa polo Celta

Carlos Mouriño, presidente do Celta, rexeitou a oferta dun holding chinés para facerse co club vigués.

A oferta era de preto de 100 millóns, segundo informa Faro de Vigo. Agora o presidente celeste seguirá co seu intento de que o Concello lle venda Balaídos, un dos obxectivos que se marcou e que usou a modo de chantaxe para presionar ao goberno municipal baixo a ameaza de marcharse se non se cumpría.