domingo. 25.08.2019 |
El tiempo
domingo. 25.08.2019
El tiempo

Morre o boxeador Pernell Whitetaker, o gran rival de Poli Díaz

O estadounidense Pernell Whitaker, excampeón do mundo e ouro olímpico, foi atropelado por un automóbil en Virginia, EEUU

Segundo informou o Departamento de Policía de Virginia Beach, Whitaker, de 55 anos, morreu na mesma escena do accidente como consecuencia das feridas que sufriu no atropelo, ocorrido durante a noite do domingo.

Segundo esta mesma fonte policial, "Sweet Pea" Whitaker, como se lle coñecía no mundo do boxeo, camiñaba pola rúa cando foi atropelado nun cruzamento. "Cando os axentes chegaron á escena, localizaron a unha vítima masculina adulta que fora golpeada por un vehículo. A vítima faleceu na escena do accidente por mor das feridas que sufrira", informou o portavoz do Departamento de Policía de Virginia Beach. "O condutor do vehículo que golpeou a Whitaker permaneceu na escena coa policía".

Whitaker foi considerado como o mellor defensivo da historia do boxeo, grazas á gran rapidez e variedade de movementos que sempre utilizaba sobre o cuadrilátero, facendo moi difícil aos seus rivais que lle puidesen alcanzar cos golpes.

Foi o rival que venceu a Poli Díaz, o "Poldro de Vallecas", no ano 1991

En Norfolk, cidade natal de Whitaker, disputouse, o 27 de xullo de 1991, o combate con Poli Díaz, no que o estadounidense puxo en xogo os seus tres cintos do peso lixeiro. O "Poldro de Vallecas", que chegaba invicto á cita tras 32 combates, foi derrubado no sétimo asalto.

Logo de ser o campión do mundo indiscutible no peso lixeiro, conseguiu os títulos welter junior, welter e mediano junior como unha das forzas dominantes no boxeo durante gran parte das décadas dos anos 80 e 90. Whitaker tamén gañou unha medalla de ouro nos Xogos Olímpicos de 1984.

"Realmente non podo dicir como me sinto porque me sinto conmocionado. Aínda estou a tratar de procesar todo o que está a pasar. Pero el era un tipo xenial", declaraba o seu fillo menor, Devon Whitetaker.

Morre o boxeador Pernell Whitetaker, o gran rival de Poli Díaz
Comentarios